ನಾನು ಕವಿಯಲ್ಲ, ವಿಮರ್ಶಕನಲ್ಲ, ದಾರ್ಶನಿಕನೂ ಅಲ್ಲ
ಆದರೂ ಕತ್ತಲೆಯನ್ನು ಕತ್ತಲೆಂದು ಹೇಳಬಲ್ಲೆ
ಅಂಧಕಾರ ನೀಗಲು ಒಂಟಿ ಹಣತೆಯಾಗಿ ಬೆಳಗಬಲ್ಲೆ.
* * *
ರೊಕ್ಕದ ಹಿಂದೆ ಬಿದ್ದ ಗೆಳೆಯರಿಗಿಂತಾ
ಬಿಕ್ಕುವಾಗ ನೀರು ಕುಡಿಸೋರು ಬೇಕು.
ಆತುರದಲ್ಲಿ ತಿಂದಿದ್ದು ನೆತ್ತಿಗೇರಿ
ಕೆಮ್ಮುವಾಗ
ನೆತ್ತಿಗೆ ಮೆತ್ತಗೆ ತಟ್ಟುವವರು ಬೇಕು.
ಮುಂಗಾರು ಮಳೆಯಲ್ಲಿ ಕಣ್ಣೀರು ಒರತೆಯಾದಾಗ
ನೀರು-ಕಣ್ಣೀರು ಗುರುತಿಸಿ ಸಾಂತ್ವನ
ಹೇಳೋರು ಬೇಕು.
ಆಂತೋರಾರಾದ್ರೂ ಇನ್ನೂ ಇದ್ದರೆ ನಿಮ್ಮ
ಪಾದದ ಪೋಟೊ ಕಳಿಸಿ
ದಿನಾಲೂ ದೂಪಾ ದೀಪಾ ಹಚ್ಚಿ ಪೂಜೆ ಮಾಡ್ಬೇಕು.
* * *
ಟಿವಿ ನೋಡ್ತಾನೇ ಇದ್ರೆ ಮನದ ಕ್ಲೇಷ
ಹಿಂಗೀತಾ?
ಹಸಿದ ಹೊಟ್ಟೆಗೆರಡು ರೊಟ್ಟಿ ಸಿಕ್ಕೀತಾ?
ಟಿವಿ ಸಿನೆಮಾ ರಮ್ಮು ದಮ್ಮು ಎಲ್ಲಾ
ಲೂಸಿಯಾ ಮಾತ್ರೆ
ದಿನಾ ಬೆಳಗಾದ್ರೆ ಚಿಂತೆ ಯಾತನೆಯ ಯಾತ್ರೆ.
* * *
ಸಿರಿವಂತರಿಗೆ ತಿಂದು ತಿಂದು ಹೊಟ್ಟೆ
ಭಾರ
ಬಡವರಿಗೆ ತೀರದ ಹಸಿವು ಬದುಕೆ ಭಾರ
ತಿಂದಿದ್ದೆಲ್ಲಾ ಅರಗುತ್ತೆ ದೇಹ ಯಾವಾಗ್ಲೂ
ಸ್ಲಿಮ್ಮು.
ಎಷ್ಟೇ ತಿಂದ್ರೂ ತುತ್ತಿನ ಚೀಲ ತಂಬ್ತಾನೇ
ಇಲ್ಲ.
ಬೇಕಾದಷ್ಟಿದೆ ಸರಕಾರ ಕೊಟ್ಟ ಪುಕ್ಕಟೆ
ಅಕ್ಕಿ
ಏನೇ ಆದರೂ ಸರ್ಕಾರಿ ಧಾನ್ಯದಲ್ಲಿ ತಾಕತ್ತೇ
ಇಲ್ಲ.
* * *
ಹಣ ಮುಖ್ಯ ಅಲ್ಲಾ, ಹಣವೊಂದೇ ಬದುಕಲ್ಲಾ
ಅನ್ನೋರೆಲ್ಲಾ ಬೆಂಗಳೂರಲ್ಲಿ ನಾಕೇ
ನಾಕು ದಿನ
ಕಾಸಿಲ್ಲದೇ ಬದುಕಿ ತೋರಿಸ್ಲಿ ನೊಡೋಣ?
ಕಾಲ ಬದಲಾಗಿದೆ ಎಲ್ಲಾ ಕಡೆ ಈಗ ಜಾಗತೀಕರಣ.
* * *
ನಿಜವಾಗ್ಲೂ ನಾಯಿಗಿರೋ ಸ್ವಾತಂತ್ರ್ಯ
ನಾರಿಗಿಲ್ಲ.
ನ ಸ್ತ್ರೀ ಸ್ವಾತಂತ್ರ್ಯಂ ಅರ್ಹತಿ
ಅಂತಾ
ನಮ್ಮ ವೇದ ಶಾಸ್ತ್ರ ಪುರಾಣಗಳೇ ಪುಂಗತಿದ್ದಾವಲ್ಲಾ.
* * *
ದೀಪಾವಳಿಗೆ ಹೇಗೋ ಹಣತೆ ಕೊಂಡುಕೊಂಡ
ಬತ್ತಿ ಹೊಂದಿಸಿಕೊಂಡ, ಆದರೆ ಎಣ್ಣೆಗೆ
ಕಾಸಿಲ್ಲ.
ಬಡವನ ಬದುಕೇ ದಗದಗ ಉರಿವ ದೀವಿಗೆ
ಹಣತೆ-ಪಟಾಕಿ ಹಚ್ಚೋದೆ ಬೇಕಿಲ್ಲ.
* * *
ನನಗೂ ಪ್ರೀತ್ಸೋ ಆಸೆ ಆದ್ರೂ ಪ್ರೀತ್ಸೋದಿಲ್ಲಾ
ಯಾಕೆಂದ್ರೆ ನನಗೆಂದೂ ಪ್ರೀತಿ ದಕ್ಕೋದಿಲ್ಲಾ.
ನನ್ನ ಪ್ರೀತ್ಸೋರಿಗೆ ಕೊಡೋಕೆ ಪ್ರೀತಿ
ಬಿಟ್ಟು ಬೇರೇನಿಲ್ಲಾ
ಹಣಕಾಸಲ್ಲಿ ಬಡವಾ ನಾನು ಖರ್ಚು ಮಾಡಲು ಕಾಸಿಲ್ಲಾ.
* * *
ಹಳ್ಳಿ ಹುಡುಗ ಪ್ಯಾಟೆಗೆ ಬಂದ, ಕಾಡಲ್ಲಿ-
ಮಾಧ್ಯಮಗಳ ಮಧ್ಯೆ ಮಾರಾಟಗೊಂಡಿದ್ದ.
ಭ್ರಮೆಯ ಸುಳಿಯಲ್ಲಿ, ಮಾನವ ಮೃಗಗಳ
ಬಲೆಯಲ್ಲಿ
ಬದುಕು ಕಳೆದುಕೊಂಡ ಕೊನೆಗೆ ಪ್ರಾಣವನ್ನೇ
ಹರಣಮಾಡಿಕೊಂಡ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ